jueves, 23 de abril de 2015

XORNADAS DE ENCONTROS ENTRE COOPERATIVAS

As mulleres Colleiteiras est´´an a participar nunha serie de encontros, as xornadas 'Coop é activas, procesos de autodesenvolvemento cooperativo' para a difusión do traballo cooperativo, organizadas polo Fondo Galego de Cooperación e Solidaridade, a ONGArquitectura Sen Fronteiras e varios concellos coruñeses.
 
En cada encontro participarán dúas cooperativas promovidas por Arquitectura Sen Fronteiras, o proxecto de autoemprego de reciclaxe de aceite de 'Mulleres Colleiteiras' e a cooperativa guatemalteca de materiais de construción 'B'eljuj Q'anil', xunto con outra cooperativa local de cada un dos concellos.
 
As tres cooperativas darán a coñecer o seu traballo e as súas iniciativas, rematando cun debate aberto onde intercambiarán experiencias e afondarán nos procesos de autodesenvolvemento comunitario a través do traballo cooperativo, tanto en contextos internacionais como locais.

En cada un dos encontros, a entrada será libre ata completar o aforo:


Concello de CULLEREDO 
16 de abril, 18 horas no Pazo de Melania de Vilaboa
 coa cooperativa local 'INDA iniciativas'
 adicada ao desenvolvemento económico, social e cultural
 

Concello de SAN SADURNIÑO
20 de abril 16:30 horas na Casa da Cultura
coa cooperativa local 'Tagen Ata' adicada á formación en liña 


Concello de BERGONDO
23 de abril, 18 horas no edificio sociocultural de A Senra
coa cooperativa local 'Lutega' adicadaao cultivo de lúpulo


Entrega dos premios ao voluntariado universitario da Fundación Mutua Madrileña

María, José e Bea, tres dos estudantes da Universidade da Coruña (UDC) premiados so segundo Premios ao Voluntariado Universitario da Fundación Mutua Madrileña (xunto a Julio e Iria) recolleron este martes 21 de abril en Madrid, de manos do ministro de Sanidade, Asuntos Sociais e Igualdade, Alfonso Alonso, o premio concedido.

Parabéns a todo o equipo de voluntarios do Grupo de Cooperación Local de Arquitectos Sen Fronteiras, aos 5 promotores da candidatura premiada, e a tódalas Mulleres Colleiteiras cuxo traballo conxunto acadou todos os logros ata agora conseguidos. Os 5000 € serán investidos no proxecto para poder continuar traballando pola inserción sociolaboral e o medioambiente, impulsando a Cooperativa de recollida de aceite doméstico e as futuras incorporaciones á mesma.

Deixamosvos a continuación algunhas das novas en prensa escrita e radio que recollen a noticia.

http://www.laopinioncoruna.es/coruna/2015/04/21/alumnos-udc-reciben-premio-voluntariado/948772.html

http://www.lavozdegalicia.es/noticia/coruna/coruna/2015/04/21/universitarios-coruneses-destinan-premio-5000-euros-insercion-mujeres-poblados-chabolistas-coruna/00031429628966633226408.html

http://www.abc.es/agencias/noticia.asp?noticia=1847846

http://www.cope.es/player/id=2015042014140001&activo=10  (min31)

GRAZAS POLO APOIO!

miércoles, 25 de marzo de 2015

Charlas de sensibilización no Centro Liceo La Paz

En colaboración co Club de Leones La Coruña Decano, continuamos a campaña de sensibilización en novos centros educativos.

No Liceo La Paz, levamos a cabo con alumnos de ESO dúas charlas de sensibilización social e ambiental coa participación das Mulleres Colleiteiras, nas que repartimos embudos facilitados polo Club de Leones. Cos embudos pretendemos facilitar a difusión entre a comunidade educativa e a recollida e almacenaxe do aceite doméstico usado na casa polos estudantes e as súas familias para a súa recollida por Mulleres Colleiteiras e posterior reciclaxe, unha vez que depositen as botellas de plástico cheas de aceite no punto de recollida (contenedor laranxa) habilitado no centro.

Moitas grazas aos colaboradores e deixámosvos unhas imaxes das mulleres nas charlas!




Novo punto de recollida no IES Elviña

A semana pasada inauguramos un novo punto de recollida no IES Elviña, (R/ San José de Calasanz 6, 15008 A Coruña). Podedes atopar o colector laranxa xunto ao muro da porta de entrada.

Esperamos facilitar aos veciños do barrio e a toda a comunidade educativa a reciclaxe do aceite usado!

E recordade: depositade só aceite domestico vexetal de cociña usado, en botellas de plastico ben pechadas.

Grazas ao IES Elviña polo interese e colaboración co proxecto.

martes, 10 de marzo de 2015

O Concello de Oleiros está incentivar a difusión de Mulleres Colleiteiras e promovendo instalación de diversos puntos de recollida no municipio, en asociacións veciñais, centros escolares etc.
Neste caso, o IES Xosé Neira Vilas en Oleiros súmase a iniciativa mediante a instalación dun punto de recollida de aceite doméstico usado nas instalacións e a campaña de difusión e recollida entre os alumnos.
Este luns presentouse o Proxecto aos grupos de 1º e 2º da ESO, e nos próximos días será posible depositar o aceite no colector situado na entrada ao Centro, de xeito accesible tamen en horario de peche.
Ademáis, IES Xosé Neira Vilas acolle a exposición "Entre Nós" coas fotografías realizadas polos nen@s dos poboados de As Rañas e Ponte Pasaxe


MOITÍSIMAS GRAZAS a este novo Centro colaborador e ao Concello de Oleiros






lunes, 9 de marzo de 2015

E nace unha nova cooperativa...


A cooperativa Hábitat Social, que fai o seguimento e formación no proceso de constitución da Cooperativa MC dende septembro de 2014 xunto á Rede Eusumo e Arquitectura Sen Fronteiras, publican a nova sobre o nacemento da Cooperativa Mulleres Colleiteiras no seu blogue.

http://habitatsocial.coop/novas/e-nace-unha-nova-cooperativa/

Encantadas de ter compartido este proceso con eles!



Algo que celebrar en A Pasaxe y As Rañas

Hoxe no diario La Opinión, a noticia sobre o II aniversario de Mulleres Colleiteiras, que celebramos onte, 8 de marzo, no Monte de San Pedro.

http://www.laopinioncoruna.es/coruna/2015/03/09/celebrar-pasaxe-as-ranas/934972.html

http://multimedia.laopinioncoruna.es/fotos/a-coruna---metro/merienda-las-mulleres-colleiteiras-33202.shtml


Charla de sensibilización no IES Xosé Neira Vilas de Oleiros


Hoxe expuxemos o proxecto de recollida de aceite Mulleres Colleiteiras a dous grupos de estudantes de 1º e 2º da ESO do IES Xosé Neira Vilas do Concello de Oleiros.

A charla, como sempre co dobre obxectivo de sensibilizar social e medioambientalmente, contou co visionado do audiovisual "Pedra, papel", unha pequena presentación sobre o proxecto de autoemprego Mulleres Colleiteiras e un chamamento final á colaboración dos estudantes e a comunidade educativa coa recollida do aceite das súas casas, que poderán depositar nun contenedor que colocaremos nos próximos días no centro escolar. Asimesmo, no centro está situada tamén estes días a exposición itinerante "Entre nós", coas imaxes realizadas por algúns dos fillos das Mulleres Colleiteiras no obradoiro de fotografía que levamos a cabo no primeiro trimestre do curso.

Esta charla, organizada co apoio da Concellería de Ensino e Xuventude, é a primeira das previstas en varios centros educativos do Concello, e con ela, o IES Xosé Neira Vilas, convertirase no pioneiro dos centros en inaugurar un punto de recollida de aceite doméstico usado da rede de Mulleres Colleiteiras.

Grazas pola colaboración e nas próximas semanas continuaremos instalándonos en Oleiros!

domingo, 8 de marzo de 2015

8 DE MARZO. DÍA DA MULLER E II ANIVERSARIO DO PROXECTO MULLERES COLLEITEIRAS


Hoxe, 8 de marzo, temos un doble motivo para celebrar. O día da muller é ademais para nós un gran día de celebración, por ser o aniversario do proxecto de inserción sociolaboral Mulleres Colleiteiras, no que participan dende 2013 máis de 20 mulleres residentes nos asentamentos chabolistas de A Pasaxe e As Rañas en A Coruña.

Xa pasaron 2 anos desta primeira foto de grupo, tras a primeira reunión de voluntarios de Arquitectos Sen Fronteiras (hoxe Arquitectura Sen Fronteiras) cun grupo de mulleres, na que se amosaron as gañas de saír adiante e poder acceder a un traballo como ferramenta para saír da situación de exclusión.


Dous anos despois estamos moi felices de ter sacado adiante o proxecto entre todas e celebramos o noso aniversario no Monte de San Pedro compartindo unha bonita tarde as mulleres colleiteiras, as súas familias e os voluntarios e voluntarias.


                                                                                 Grazas por estes dous anos de ilusión compartida




Novo punto de recollida na Facultade de Ciencias da Educación da UDC


Co apoio dun grupo de alumnos de Educación Social, que fixeron as xestións previas coa facultade, esta semana inauguramos un novo punto de recollida de aceite doméstico usado na Facultade de Ciencias da Educación. O contenedor está situado no andar -3, xunto á porta da cafetaria. 

Recordade botar só aceite domestico usado vexetal de cociña (non de motor), e depositar o aceite en botellas de plástico ben pechadas.

Agradecemos moito o apoio da facultade, na que a cafetería xa hai varios meses que colabora connosco!


jueves, 5 de marzo de 2015

Charla de sensibilización no CEIP María Barbeito

Continuando coa campaña nos barrios do Agra do Orzán e o Ventorrillo, Mulleres Colleiteiras impartiu o 4 de marzo no CEIP María Barbeito unha charla de sensibilización social e medioambiental para fomentar a reciclaxe do aceite doméstico usado entre os alumnos, a comunidade escolar e, por tanto, as familias do barrio e visibilizar a realidade das participantes no proxecto.



Grazas pola colaboración e continuaremos coa nosa presencia no barrio!

viernes, 27 de febrero de 2015

II VISITA DE MULLERES COLLEITEIRAS A EDAR DE BENS

O xoves 25 de fereiro, unha representación das Mulleres Colleiteiras acudiu á Estación Depuradora de Aguas Residuales de A Coruña en Bens, recordando a visita de presentación das instalacións que fixemos en xaneiro do ano pasado.
Alí, agradecimos a colaboración de Edar Bens SA, que en septembro do ano pasado se materializou na colaboración para a compra dun vehículo (cofinanciado pola Deputación de A Coruña) que facilitara a recollida de aceite por parte de Mulleres Colleiteiras.



Asemade, destacouse o aforro que supón para ditas instalacións a recollida selectiva dos aceites promovida por Mulleres Colleiteiras, evitando deste xeito que o aceite chegue á depuradora e as augas.
GRAZAS POLA COLABORACIÓN




COLABORACIÓN DO COLEXIO ANDAINA CON MULLERES COLLEITEIRAS

O pasado decembro, Mulleres Colleiteiras (repetindo a exitosa experiencia do curso anterior) impartimos unha charla sobre a nosa experiencia no Obradoiro de Iniciativas Emprendedoras de 3º da ESO do Colexio Andaina. 

Foi un pracer para nós explicar a nosa experiencia emprendedora dende o proxecto de autoemprego Mulleres Colleiteiras, e responder ás preguntas que os alumnos plantexaron ao respecto. Ao mesmo tempo que lles explicamos a nosa longa traxectoria camiño de emprender, o noso obxectivo foi a sensabilización:

-Social: explicando dende a experiencia dunha das participantes as dificultades para conseguir un posto de traballo por conta allea nas súas circunstancias: o baixo nivel de estudos, os prexuizos das empresas para contratalas e a situación actual de crise económica. E explicando tamén que as gañas de saír adiante fixeron que as participantes veran a recollida de aceite coa forma de Cooperativa como unha saída laboral construida por elas mesmas, para acadar independenza. E percorrendo un longo camiño previo a constituir a Cooperativa para gañar autoconfianza e habilidades e poder afrontar o reto emprendedor.

-Medioambiental: explicando a importacia da recollida do aceite, para aforrar os custos da limpeza da auga na depuradora da cidade e evitar a contaminación das augas e as súas consecuencias. 

Deixamos aos alumnos embudos que quedaron encargados de facilitar aos seus compañeiros de escola á vez que, cun efecto multiplicador, eles contaron a nosa iniciativa e fomentaron a recollida de aceie nas semanas seguintes, grazas tamén ao colector instalado no centro, que se suma á recollida do aceite do comedor escolar, tamén en marcha dende o curso pasado.

O dito, moitas grazas pola oportunidade de compartir a nosa experiencia con estes mozos inquedos e grazas por cada gota de aceite!


http://www.andaina.com/index.aspx?IdIdioma=2&TC=1&IDInt=1&IdCon=2050

Mulleres Colleiteiras, S. Coop. Galega


Tras casi dous anos nos que 20 mulleres participaron no proxecto de autoemprego promovido por Arquitectos Sen Fronteiras para adquirir habilidades de cara á súa inserción soiolaboral, e 6 meses nos que varias desas mulleres participaron en talleres de formación específicos sobre cooperativismo (coa colaboración de Hábitat Social e a Rede Eusumo), podemos dicir que estamos un pasiño máis cerca de conseguir o noso obxectivo. A semana pasada un grupo de 4 emprendedoras asinou en asamblea os estatutos e acta constitutiva de Mulleres Colleiteras, Sociedade Cooperativa Galega. Nos próximos meses, continuaremos cos trámites de constitución empresarial, co obxectivo de  convertir a inserción sociolaboral das mulleres participantes nunha realidade, que facilite a integración plena en moitos outros sentidos.


Pero isto é só un pasiño máis. Nos próximos meses haberá que traballar moi duro para levar adiante a cooperativa, e o resto das mulleres continuarán a participar no proxecto sociolaboral, adquirindo as habilidades que lles permitan unirse ás súas compañeiras como cooperativistas nun futuro.

Seguimos todas adiante, construindo un futuro mellor!

jueves, 19 de febrero de 2015

Mulleres Colleiteiras en Somos Ben Curiosos da TVG

O día 5 de febreiro as Mulleres Colleiteiras saímos no programa sobre a reciclaxe de Somos Ben Curiosos, na TVG.

Aquí tedes o link, por si vos interesa vernos!
(a partir do min 45:42)

http://www.crtvg.es/tvg/a-carta/a-reciclaxe

Mulleres Colleiteiras ganadoras dun dos premios ao voluntariado de Mutua Madrileña

Un novo recoñecemento a Mulleres Colleiteiras en forma de premio nos II Premios ao Voluntariado Universitario da Fundación Mutua Madrileña.


Moitas grazas por este recoñecemento ao traballo das Mulleres e os voluntarios que as acompañamos durantes estes casi dous anos.


Deixamosvos de novo o video, por si alguén aínda non o viu!


Mulleres Colleiteiras no programa Congénero de Telesur

O pasado 13 de febreiro o programa Cogénero da canle venezolana TeleSur, emitiu unha reportaxe sobre o proxecto Mulleres Colleiteiras A reportaxe compleméntase cun pequeno informe sobre a exclusión social dos xitanos en España.

A partir do minuto 6:14, e uns 10 minutos de duración.

Esperamos que o disfrutedes.

http://multimedia.telesurtv.net/web/telesur/#!es/video/congenero-350550